CYNLLUN GWELLA TREFOL - Yn dilyn cymeradwyaeth gan Gronfa Treftadaeth y Loteri i gychwyn, mae Adran Gynllunio Cyngor Mon yn chwilio am berson profiadol mewn adnewyddu hen adeiladau i reoli Cynllun £3m Treftadaeth Trefol Caergybi a fydd yn golygu gwella adeiladau a lleoliadau o fewn canol y dref - gweler linc i fanylion swydd http://www.ynysmon.gov.uk/doc.asp?cat=2439&doc=11628
HEN GELF - Bydd arddangosfa o hen gelf ar Ddydd Sadwrn 13 Mawrth ym Mharc y Morglawdd 11am-4pm.
CYNLLUN FFATRI MELINAU GWYNT - Mae cyhoeddiad gan Peter Hain AS, Ysgrifennydd Gwladol Cymru, yn datgelu bod cynlluniau dan ystyriath i sefydlu ffatri adeiladu melinau gwynt ar safle Aliwminiwm Mon.
MWY O LONGAU MORDAITH - Bydd deuddeg o longau mordaith yn ymweld a Caergybi yn 2010 gan gludo dros 7,000 o deithwyr. Bydd hefyd dri taith tren stem i'r dref.
CYNLLUN DELWEDD TREF - Gwahoddwyd ceisiadau am swydd i arwain cynllun gwella delwedd Caergybi, rhan o bartneriaeth gyda arian Interreg Ewrop rhwng trefi Caergybi, Rhyl, Dun Laoghaire, ac Athy.
CEFNOGI EHANGU TESCO - Mae Cyngor Sir Ynys Mon wedi cefnogi cais cynllunio i ganiatau egangu ac addasu siop Tesco yng Nghaergybi.
CYNLLUN TWRISTIAETH GOGLEDD CYMRU -Mae Cyngor Mon wedi cefnogi strategaedd newydd sy'n cyfeirio at Gaergybi fel canolfan twristiaeth, yn cynnwys adeiladu glanfa cychod mordaith.
CYNLLUNIAU YNNI YN Y MOR - Mae dau gynllun mawr ar gyfer ynni adnewyddol yn y mor ger Caergybi wedi cymeryd cam ymlaen. Y mae cwmniau MCT ac npower yn gobeithio lleoli saith tyrbin cerrynt tanddwr ger Ynys y Moelrhoniaid - mae buddsoddwyr yn cynnwys y Carbon Trust wedi cytuno i ariannu datblygu y cynllun. Ymhellach i'r gogledd, mae Stad y Goron wedi rhoi trwydded i Centrica Renewable Energy i leoli 840 melin wynt yn y mor. Mae'n bosib y bydd rol i Caergybi wrth adeiladu a gwasanaethu y cynlluniau yma.
NEWID GWASANAETH FFERI CYFLYM STENA - Bydd yr HSS Explorer yn y dyfodol ond yn hwylio yn ystod misoedd yr haf (28 Mehefin - 5 Medi) gyda'r Stena Express yn cymeryd ei le weddill y flwyddyn. Mae yn llai ei faint, ac ar hyn o bryd yn gwasanaethu rhwng Abergwaun a Rosslare. Ni ddisgwylir diswyddiadau oherwydd y newid.
Ar gyfer eitemau newydd cynt, gweler "2009" yn ein hadran "Newyddion a Digwyddiadau"